የዳውሮ ኮንታ ሀገረ ስብከት የአብነት ትምህርት ቤት ግንባታ ፕሮጀክት አሕጽሮት

የዳውሮ ኮንታ ሀገረ ስብከት የአብነት ትምህርት ቤት ግንባታ ፕሮጀክት አሕጽሮት

የፕሮጀክቱ ቦታ ፦ የዳው ኮንታ ሀገረ ስብከት ስርስድስት ወረዳ ቤተክህነቶች ሲገኙ የአብነት ትምህርት ቤት ግንባታው የሚካሄደው የሃገረስብከቱ መቀመጫ በሆነው በተርጫ ከተማ ላይ በሚገኘው በአቡነ ተክለሃይማኖት ደብር ላይ ነው፡፡

ፕሮጀክቱ ማቋቋም ያስፈለገበት ምክንያት፦ ሀገረስብከቱ በመናፍቃን የተከበበ እና ጥቂት የኦርቶዶክስ ዕምነት ተከታዮች ብቻ ያሉበት ከመሆኑም በላይ አገልጋይ ካህናት ሆኑ ዲያቆናት የሚመጡት ከሰሜኑ የሀገሪቱ ክፍል በመሆኑ፣ እነዚህ አገልጋዮች ከአካባቢው ነዋሪ ጋር በቋንቋ መግባባት ስለማይችሉ ከቤተክርስቲያን አገልግሎት ውጪ የሃይማኖት ትምህርት መስጠት ባለ መቻላቸው ምዕመኑን ለማስተማር እና ሃይማኖቱን ጠብቆ እንዲኖር ማድረግ አልተቻለም፡፡ ስለዚህ በሀገረ ስብከቱ ላይ የሚቋቋመው የአብነት ትምህርት ቤት ተማሪዎቹ ተመልምለው የሚገቡት ከሁሉም ወረዳ ቤተክህነቶች ስለሚሆን ተምረው ሲጨርሱም ወደ መጡበት አካባቢ ተመልሰው ምዕመኑን በቅስና እና በድቁና ከማገልገላቸውም በላይ በሚገባው ቋንቋ የወንጌል ትምህርት ሊሰጡት ስለሚችሉ በሃይማኖቱ ፀንቶ እንዲኖር የሚኖራቸው አስተዋፅዖ ከፍተኛ ይሆናል፡፡

የፕሮጀክቱ ግብ ፦ በሀገረስብከቱ የአብነት ትምህርት ቤት ግንባታ በማካሄድ የቤተክርስቲያን ካህናት እና ዲያቆናት በማፍራት የተዘጉ አብያተ ክርስቲያናት እንዲከፈቱ እና መንፈሳዊ አገልግሎት በተጠናከረ መልኩ እንዲሰጡ ማድረግ ሲሆን፤ የፕሮጀክቱ ዓላማ በየሁለት ዓመት ግብረ ድቁና ተምረው የሚያጠናቅቁ 40 የአብነት ትምህርት ተማሪዎችን ተቀብሎ የአብነት ትምህርት ማስተማር የሚያስችል የአብነት ትምህርት ቤት መገንባት እና ከአብነት ትምህርቱ ጎን ለጎን መሰረታዊ ትምህርተ ሐይማኖት ትምህርት እና የስብከት ዘዴን ማግኘት እንዲችሉ ማድረግ ነው፡፡

የአብነት ትምህርት ቤቱ ግንባታ የሚያጠቃልለው፦ ለ40 ተማሪዎች የሚሆን አንድ ጉባኤ ቤት፤ አምስት የተማሪዎች ማደሪያ፣ መመገቢያ አዳራሽ፣ ማብሰያ ቤት ፣ የመጸዳጃ እና ገላ መታጠቢያ ቤቶችን ነው፡፡ ከዚሁ ጋር ተያይዞም ፕሮጀክቱ የውስጥ ቁሳቁስ ግዢንም ያጠቃልላል፡፡

ለፕሮጀክቱ የገንዘብ ምንጭ ፦ በአውሮጳ የሚገኙ ምእመናን፤ የአብነት ትምህርት ቤቱ ግንባታ በአንድ አመት ጊዜ ውስጥ ይጠናቀቃል ተብሎ የሚታሰብ ሲሆን፣ የሚፈጀውም የገንዘብ  ብር 2,500,000 ብር (62, 500 EUR ) ይሆናል፡፡

የፕሮጀክቱ አስፈፃሚ ፦በኢትዮጵያ ኦርቶዶክስ ተዋሕዶ ቤተክርስቲያን በሰንበት ት/ቤቶች ማደራጃ መምሪያ ማኅበረ ቅዱሳን የቅዱሳት መካናት እና መንፈሳዊ ትምህርት ቤቶች አገልግሎት ማስተባበሪያ ሲሆን፤ ፕሮጀክቱ ከተጠናቀቀ በኃላ በባለቤትነት ተረክቦ ለተፈለገው አገልግሎት እንዲውል የሚያደርገው በኢትዮጵያ ኦርቶዶክስ ተዋሕዶ ቤተክርስቲያን የዳውሮ ኮንታ ሀገረ ስብከት ይሆናል፡፡

ፕሮጀክቱ በታለመለት ጊዜ እንዲጠናቀቅ ተባባሪ የሚሆኑት፤ የፕሮጀክቱ ባለቤት የሆነው የዳውሮ ኮንታ ሀገረ ስብከት፣ የአካባቢው ወረዳ ቤተክህነት፣ በማኅበረ ቅዱሳን የተርጫ ማዕከል፣ በአውሮጳ የሚኖሩ በጎ አድራጊ ምዕመናን እና የተለያዩ መንፈሳዊ ማኅበራት ይሆናሉ፡፡

ለገዳማት እና አብነት ት/ቤቶች ድጋፉ ለማድረግ የሚከተሉትን ዘዴዎች ይጠቀሙ  :-

  1. በቀጥታ በባንክ ወደ ማኅበረ ቅዱሳን አውሮፓ ማእከል ሂሳብ በማስተላለፍ

Mahibere Kidusan In Europa

BAN : DE14 3704 0044 0307 803 700

BIC : COBADEFF

Reason : Donation gedamate code 001

Commercial Bank

Bank address : Maternusstr.5; 50996 Cologne, Germany

 

  1. ፔይ ፓልን በመጠቀም ወደ አውሮፓ ማዕከል ባንክ አካውንት በማስተላለፍ።

ለተጨማሪ መረጃ እና ጥያቄ በ eu.monasteries@eotcmk.org ይጻፉልን።

የገዳማትና አብነት ትምህርት ቤቶች ድጋፍ

በኢትዮጵያ ኦርቶዶክስ ተዋህዶ ቤተክርስቲያን ሰ/ትቤቶች ማደራጃ መምሪያ በማኅበረ ቅዱሳን የአውሮፓ ማዕከል የገዳማትና ቅዱሳን መካናት ማስተባበሪያ ክፍል

ገዳማትና አብነት ትምህርት ቤቶችን በመርዳት

መንፈሳዊ ግዴታዎን ይወጡ!!!

  1. መግቢያ
  • ገዳማት እና አብነት ትምህርት ቤቶች የቤተ ክርስቲያናችን የህልውናዋ እስትንፋሶችና የውሳጣዊ ቁመናዋ መገለጫዎች ናቸው፡፡
  • ገዳማት:- የቤተ ክርስቲያናችን መንፈሳዊ አገልግሎት መሠረት፣ የአስተምህሮዋ (ዶግማዋ ፣ ቀኖናዋ እና ትውፊቷ)ምንጭ፣  የመንፈሳውያን መሪዎቿ መገኛ እና ለመላው ምዕመናን የመንፈሳዊ ጥንካሬ ማግኛ ቦታ ሲሆኑ፣
  • አብነት ትምህርት ቤቶች:- ደግሞ በኢትዮጵያ ማዕከላዊ መንግሥት በተመሠረተበት ጊዜ ቤተ ክርስቲያናችን ብዕር ቀርጻ፣ ብራና ፍቃና ቀለም በጥብጣ ዜጎችን  ስታስተምር ቀዳማዊ ትምህርት ሚኒስቴር በመሆን አገልግለዋል፡፡
  • በአሁኑ ጊዜ ከ 5000 በላይ የአብነት መምህራንና ከ 100000 በላይ የአብነት ተማሪዎች እንዳሉ ይገመታል።
  1. የገዳማትና አብነት ትምህርት ቤቶች መሠረታዊ ችግሮች
  • በሀገራችን የካቲት 25/1967 ዓ.ም በታወጀው የመሬት ለአራሹ አዋጅ ምክንያት አድባራትና ገዳማት ይተዳደሩበት የነበረው መሬት ማጣታቸው፣
  • ቋሚ የልማት ስራ እና የገቢ ምንጭ ስለሌላቸው ህልውናቸው ያለው በምዕመናን ልገሳ ላይ መሆኑ፣
  • ዘመናዊ ትምህርት ሲስፋፋ አብነት ትምህርት ቤቶች የሥልጣኔ በር ከፋቾች መሆናቸው ተዘንግቶ  ትኩረት የተነፈጋቸው መሆኑ እና ቀዳሚ የነበረውን ቦታቸውን ማጣታቸው፣
  • በተለያዩ ሙያዎች ተምረው የተመረቁት የአብነት ምሁራን  ለሙያቸው የሚመጥን ምደባና ክፍያ ካለማግነታቸውም በተጨማሪ ሌላ የኑሮ አማራጭ የሌላቸው መሆኑ፣
  • የቤተክርስቲያናችን ተነባቢ ቤተ መጻሕፍት የሆኑ ስመ ጥር ሊቃውንት ተተኪ ሳያፈሩ በጤናና እርጅና እያለፉ መሆናቸው፣
  • ምዕመኑ ለአብነት ተማሪዎች ከዚህ በፊት ሲያደርግ የነበረውን ትኩረትና ድጋፍ መቀነሱ፣
  • በቤተክርስቲያናችን የተማከለ /በገጠርና በከተማ፣ በአገር ቤት በውጭ ሀገራት/ እና የትምህርት ደረጃና አገልግሎትን ያማከለ የደምወዝ ክፍያ ለአብነት መምህራን እና ለአገልጋይ ካህናት አለመኖሩ የሚሉት ተጠቃሾች ናቸው፡፡
  1. ሱታፌ ማኅበረ ቅዱሳን ዘአውሮፓ ማዕከል

ይህንን መሠረታዊ የሆነ የአብነት ትምህርት ቤቶችና ገዳማት ችግር በዘላቂነት ለመፍታት  በማኅበረ ቅዱሳን የአውሮፓ ማዕከል በአውሮፓ የሚገኙ ምእመናንን በማስተባበር  በምሳሌነት ሊጠቀሱ የሚችሉ ድጋፎችን አድርጓል፡፡ በተደረገው ማስተባበር እንቅስቃሴ ድጋፍ ከተደረገላቸው ፕሮጀክቶች መካከል፡-

  1. የሞጣ ቅዱስ ጊዮርጊስ የመጽሐፍት ትርጓሜ ትምህርት  ቤት ህንፃ ግንባታ፣
  2. አቃቂ አባ ሳሙኤል ገዳም የከብት እርባታ ፕሮጀክት፣
  3. በአበልቲ ምዕራፈ ቅዱሳን ቅድስት ኪዳነ ምሕረት ገዳም የአብነት ተማሪዎች መኖሪያ፣
  4. የደብር ቅዱስ ደብረ ጽጌ ማርያም የአንድነት ገዳም የአብነት ተማሪዎች መኖሪያ እና እቃ ቤት እድሳት፣
  5. የደብረ ካስዋ ጉንዳጉንዲ ቅድስት ማርያም ገዳም ሁለገብ ህንጻ ግንባታ፣
  6. የምዕራፈ ቅዱሳን በልበሊት ኢየሱስ አንድነት ገዳም የመስኖ ልማት ፕሮጀክት፣
  7. የምስካበ ቅዱሳን ዑራኤል ወሳሙኤል ዘዋልድባ ገዳም ትምህርት ቤት ግንባታ፣
  8. ለአብነት መምህራንና ተማሪዎች ወርሃዊ የገንዘብ ድጎማ የሚኩት ተጠቃሾች ናቸው፣
  1. ምን እናድርግ ?

በማኅበረ ቅዱሳን የአውሮፓ ማዕከል ከዚህ በፊት ሲያደርግ እንደነበረው ሁሉ በዚህ ዓመትም በአውሮፓ የሚገኙ ምእመናን በማስተባበር  ከላይ የተገለጹትን መሠረታዊ ችግሮች በዘላቂነት ደረጃ በደረጃ ለመፍታት ድጋፍ ለማሰባሰብ እቅድ ይዟል።

በ2011 ዓ.ም በዳውሮ ኮንታ ሀገረ ስብከት ስር ለሚካሄደው የአብነት ትምህርት ቤት ግንባታው ከ 62500 ዩሮ በላይ ድጋፍ ለማድረግ ውቅድ ተይዟል። የፕሮጀክቱን ዝርዝር እዚህ ይመልከቱ

እርሶዎም የገዳማት  እና አብነት ት/ቤቶች መንፈሳዊ ፣ ማኅበራዊና ኢኮኖሚያዊ ጠቀሜታቸውን ለመጠበቅና ለትውልድ ለማስተላለፍ የበኩልዎን ድጋፍ እንዲያደርጉ  እና የበረከቱ ተሳታፊ እንዲሆኑ በእግዚአብሔር ስም እንጠይቃለን።

  1. አድራሻ

ለገዳማት እና አብነት ት/ቤቶች ድጋፉ ለማድረግ የሚከተሉትን ዘዴዎች ይጠቀሙ  :-

  1. በቀጥታ በባንክ ወደ ማኅበረ ቅዱሳን አውሮፓ ማእከል ሂሳብ በማስተላለፍ

Mahibere Kidusan In Europa

BAN : DE14 3704 0044 0307 803 700

BIC : COBADEFF

Reason : Donation gedamate code 001

Commercial Bank

Bank address : Maternusstr.5; 50996 Cologne, Germany

 

  1. ፔይ ፓልን በመጠቀም ወደ አውሮፓ ማዕከል ባንክ አካውንት በማስተላለፍ።

ለተጨማሪ መረጃ እና ጥያቄ በ eu.monasteries@eotcmk.org ይጻፉልን።

 

የኔታ ይቆዩን የገዳማት ዐውደ ርእይ በፓሪስ ከተማ

Poster Amharic
የኢትዮጵያ ኦርቶዶክስ ተዋሕዶ ቤተ ክርስቲያን ማኅበረ ቅዱሳን አውሮፓ ማእከል የፈረንሳይ ግንኙነት ጣቢያ ገዳማትና አብነት ትምህርት ቤቶችን የሚያስተዋውቅ ዐውደ ርእይ ማዘጋጀቱን ገለጠ።

 

ዐውደ ርእዩም የኢትዮጵያ ቤተ ክርስቲያንን ታሪክና ለሀገር ያበረከተችውን አስተዋጽኦ፣ በተለይም ጥንታዊ ገዳማት ትናንትና ዛሬ እንዲሁም የአብነት ትምህርት ቤቶችን ነባራዊ ሁኔታ የሚዳስስ፤ እየተደረጉ ያሉ ድጋፎችን የሚጠቁም እንዲሁም ከሕዝበ ክርስቲያኑ የሚጠበቀውን ድርሻ የሚያመላክት ዐውደ ርእይ ይቀርባል።

Read more

ዕውቀት እንዳይሞት

ቤተ ክርስቲያን ሰማይና ምድር ከመፈጠራቸው በፊት ነበረች። ዓለማት ከተፈጠሩ በኋላ በዓለመ መላእክት፣ በዓለመ መሬት በሕገ ልቡና እና በሕገ ኦሪት እግዚአብሔር በመረጣቸው ነቢያትና ካህናቱ አማካኝነት ሰዎችን ከእግዚአብሔር ጋር ስታገናኝ ኖራለች። በዘመነ ሐዲስ ደግሞ በደመ ክርስቶስ ተዋጅታ ሕገ ወንጌልን ስትናኝ እና አምልኮተ እግዚአብሔርን ስታስፋፋ ኖራለች። በነዚህ አዝማናት ሁሉ ስለ እርሷ ሳይፈሩና ሳያፍሩ አንገታቸውን ለሰይፍ፣ ጀርባቸውን ለግርፋት፣ እግራቸውን ለሰንሰለት የሰጡላት፣ በብዙ መከራዎች የተጋደሉላትን አበው፣ ነቢያት፣ ሐዋርያት፣ ሰማዕታትን እና በእነርሱ መንገድ የተጓዙ ብዙ ሊቃውንትን አፍርታለች (ዕብ ፲፩)።
Read more