በሆላንድ ሐዊረ ሕይወት ተካሔደ።

በሆላንድ ንዑስ ማእከል

መጋቢት 26 ቀን 2009 ዓ.ም

በማኅበረ ቅዱሳን አውሮፓ ማእከል የሆላንድ ንዑስ ማዕከል የመጀመሪያውን ሐዊረ ሕይወት በሆላንድ ሊቨልደ ግዛት በሚገኘው የግብፅ ኮፕት ቅዱስ ቴዎድሮስ ኦርቶዶክስ ገዳም መጋቢት ፱ ፳፻፱ ዓ.ም. አካሔደ።

ሐዊረ ሕይወቱ በአባቶች ጸሎት የተከፈተ ሲሆን በመቀጠልም የመጀመሪያ የሆነው የነገረ ክርስቶስ ትምህርት በመጋቤ ምስጢር ኅሩይ ኤርምያስ ተሰጥቷል። ከሰአት በኋላ ከተሳታፊዎች ለተነሱ መንፈሳዊ ጥያቄዎች በአባቶች በኩል መልስ ተመልሷል።ከዚያም በኋላ በዲ/ን መስፍን ኃይሌ ነገረ ቅዱሳን የሚመለከት ትምህርት ለጉባዔው ቀርቧል ።

“ማኅበረ ቅዱሳን እና አገልግሎቱ “ በተሰኘው ርዕስ ማኅበሩን የተመልከቱ ጉዳዮች በቀሲስ ዶ/ር ያብባል ሙሉአለም የአውሮፓ ማዕከል ሰብሳቢ ተገቢውን ማብራሪያ ተሰጥቶበታል።

በአጠቃላይ ወደ ፻ የሚጠጉ ምዕመናን ጉዞው ላይ የተሳተፉ ሲሆን በቀጣይ መርሀ ግብሩ ሰፋ ያለ ጊዜ ወስዶ ቢካሔድ መልካም መሆኑን አስተያየታቸውን ሰጥተዋል።

በመጨረሻ በዚሁ ጉዞ በግብፅ ኮፕት ኦርቶዶክስ የኔዘርላንድና ቤልጄም ሊቀ ዻዻስ በብፁዕ አቡነ አርሲነ ቡራኬ የሐዊረ ፍኖቱ ማጠቃለያ ሆኗል ።